NANGINGNIG ako habang inaalis ang kamay ni Mommy sa aking braso. Todo iling si Mommy na tila ba sinasabi niya na huwag kong pansinin o lapitan si Charles pero marahan din akong umiling habang lumuluha. Tinalikuran ko siya at nilapitan si Charles.
Para akong nasa palabas sa TV. Akala ko 'yong mga ganito ay sa dramarama sa TV ko lang makikita. Hindi pala. Pati ako mararanasan ko pala.
"Matilda!" tawag ni Mommy pero hindi ako nakinig.
Umiiyak ako habang nakatitig kay Charles na tinaas ang kamay. Tila ba sinasalubong ako ng yakap. Huminto ako ilang pulgada sa harap niya pero nahuli niya ang kamay ko at hinila palapit sa kanya. Hindi ako makahinga ng maayos ng kabigin niya ako para yakapin ng mahigpit. Halos ayaw na akong pakawalan.
Nanatili akong nakatayo. Hinahayaan siya na yakapin ako. U
