"Mag-pa-cater na lang po tayo sa school para sa birthday ko, Mommy..."
Gusto ni Mommy na magpa-party ako. Enggrande.
"Hija... Isang beses lang ang birthday sa isang taon kaya gawin na nating enggrande."
Bigo akong tumingin sa kaniya. Wala talaga akong hilig sa party na iyan. Gusto ko ng simple na birthday lang, kasama ang mga kaibigan ko. Mga kaklase ko.
Dito sa bahay, simpleng dinner lang kasama ang buong pamilya.
Tumingin ako kay Daddy para humingi ng tulong. Hindi din naman ako mag-e-enjoy, kaya bakit pa sila mag-aaksaya ng pera.
"Magpakain na lang po tayo ng mga trabahador..." giit ko.
Pagpasok ko sa school, iyon din ang tinatanong nila sa akin. Kung ano ang plano ko para sa birthday ko.
Mas mauuna pa nga ang birthday ni Leo kaysa sa akin, e.
Hindi daw siya magpa-party
