Nakaunan ako sa mga hita ni Mommy, habang patuloy siya sa paghaplos sa aking buhok.
"Gusto mo bang matulog ako dito sa tabi mo?" tanong niya. Kahit paano kalmado na ako. Nabawasan na ang takot sa aking dibdib dahil sa nangyari.
Sina Daddy ay nasa baba kasama ang mga kapatid ko. Galit na galit pa din daw hanggang ngayon sabi ng katulong na nag-akyat ng tubig.
"Ayos lang po ako dito, Mommy..."
"Hindi ko in-expect na kayang gawin ni Rico iyon sa'yo. Dito na siya lumaki sa hacienda. Halos sabay kayong lumaki. Naglalaro kayong dalawa sa farm..."
"Lahat po tayo, Mommy, hindi inaasahan ang kaniyang ginawa."
"Pinaalis na sila ng daddy mo. Naawa ako sa mga magulang niya, pero hindi ko naman kayang makita pa sila dito dahil sa ginawa ng anak nila."
Bumuntong hininga ako. Dumapa ako at niy
