"B-BRAD," tawag ko kay Brad sa malat na boses nang magkamalay ako. Nasa ospital ako. May suot nang hospital gown at may suwero din ang aking mga kamay.
"Gising na siya!"
Lumapit sa akin sina Brad at ang mommy ni Leo. Kapwa may mga ngiti sila sa kanilang mga labi.
Hindi naman ako makangiti dahil naalala ko ang nangyari bago ako nagsusuka sa may banyo sa restaurant kanina.
Nanubig ang aking mga mata, kaya agad nabalot ng pag-aalala ang mga mata nina Brad at ng byenan kong babae.
"Huwag ka ng umiyak," alo sa akin ni Brad. Niyakap niya ako. Ang byenan ko naman ay hinaplos ang aking braso.
"Niloko po ako ni Leo," umiiyak kong sumbong.
"Tahan na, Anak. Mag-usap na lang muna kayo ng mahinahon ni Leo, okay? Nasa labas siya, kausap ang doctor na katatapos lang tumingin sa'yo."
So, na
