Kasalukuyan kaming naglilibot ni Janice ngayon sa loob ng mall, naghahanap ng mabibiling regalo para kay Kairo. Limang oras na lang ang natitirang oras na mayroon kami bago magsimula ang party at kahit isa ay wala pa akong naisip na ibibigay.
I want to give him something special and memorable. Iyon bang maiisip niya kaagad ako kapag nakikita niya ito. Napabuntong hininga na lang ako.
"Ano ba 'yan, pati ako wala ring maisip," nakabusangot na reklamo ni Janice.
Nakakapanibago na marinig ito sa kaniya. Si Janice na palaging mayroong maiisip na ireregalo ay nawalan ng ideya.
Sinabi sa akin ni Kairo na ayos lang kung walang regalo ngunit ayaw ko namang pumunta mamaya na walang dala. Nakakahiya naman 'yun.
"Dito kaya, baka sakaling may mahanap tayo."
Hinila ko si Janice sa isang bilihan ng
