Nagtext ako kay Janice na mauna na siya at huwag nang dumaan dito sa amin dahil sabay kami ni Kairo na pupuntang paaralan. Marami siyang katanungan ngunit ni isa ay wala akong sinagot. Nang banggitin ko kasing dito natulog si Kairo kagabi, tinadtad na ako ng mensahe. Hindi ko nabuksan kahit isa, kahit tawag niya kanina ay hindi ko nasagot. Mamaya ko na lang ipapaliwanag sa kaniya, pagdating namin sa paaralan.
Si Kairo naman ay maagang umuwi. Nang tumunog ang aking alarm kanina, nakita kong wala na siya sa aking tabi. Nanlumo nga ako dahil akala ko panaginip lang na pumunta siya rito kagabi ngunit nang makita ang isinulat niyang notes na nakalagay sa bedside table ko, gumaan ang aking pakiramdam. Sinabi niyang hindi na niya ako ginising upang magpaalam dahil mahimbing daw ang tulog ko. At
