4 YEARS AGO…
KAKALABAS lang ng sasakyan ni Asia sa bahay nila nang matanaw ang sasakyan ni Callen. Nakasunod ito sa kanya kaya sa opisina nila siya dumiretso. Magkunkunwari na lang siyang abala ngayon. Dapat mamasyal siya para maglibang. Pero heto, may nakabuntot kaya ‘wag na lang.
Agad na sinubsob ni Asia ang sarili sa mga papeles. Madalang siya rito kaya tambak na ang trabaho niya. Dapat siya ang humaharap sa mga meetings pero ang nangyayari, ang Kuya niya ang gumagawa ng gawain niya.
Hindi pa man nagtatagal ang mata niya sa pagbabasa ng dokumentong hawak nang bumukas ang pintuan niya. Kakasabi niya lang sa secretary na ayaw niyang magpa-istorbo pero heto, may pumasok.
Napakunot siya ng noo nang makita si Callen.
“Maling kumpanya yata ang pinasukan mo,” paalala niya. Binalik niya a
