Chapter 40
"Mommy daddy magkaaway po ba kayo?"
Napatigil sa pagliligpit ng pinagkainan si Jaira nang marining ang tanong ng kanyang babaeng anak na si Jayjay.
Saglit silang nagkatinginan ni Jacob na kasalukuyan namang nakaupo parin sa harap ng lamesa. Kakatapos lang kasi nilang mag-lunch.
"H-Hindi naman anak. Bakit mo naman nasabi?" Alanganing ngiti ang ibinigay niya sa kanyang anak
Napanguso ito "Hindi po kasi kayo nag-uusap ni Daddy."
Napalunok siya at bahagyang pinilit ang sarili na tumawa upang matangal sa isip ng kanyang anak na may hindi sila pagkakasunduan ng daddy nito. Ayaw niyang ipakita sa mga bata ang kanilang problema.
Masyado pang bata ang mga ito upang maunawaan ang sitwasyon nila kaya hangat maaari ay nais niyang mapanatili sa isip ng mga anak nila na isa silang bu
