Chapter Eight
“Ugh! You’re so good! I love it.”
Kita sa mukha ni Sir Tyger ang tuwa habang pinagmamasdan ang sarili sa salamin. Umakto pa siya na naiiyak dahil sa saya. Halatang nagustuhan niya talaga ang ginawa ko.
Mas mukha na siyang babae kaysa sa ’kin ngayon at sobrang ganda niya.
Umawra siya sa harapan ng salamin at gumawa ng kung ano-anong post. Nakakatawa siya gumalaw. Damang-dama niya talaga ang kanyang hitsura.
Bakas pa rin sa mukha ko ang gulat habang pinanonood siya. Hindi pa rin ako makapaniwala sa nakikita ko. Ang buong akala ko, katulad din siya ni Sir Tylor na gustong magsamantala. Pero siya pala ang pinakakakaiba sa kanilang lahat.
Nakahinga na ako ng maluwag. Bigla na ring nawala ang takot at kabang naramdaman ko kanina dahil sa ginagawa niya ngayon. Parang nag
