Chapter Ninety Three
Malalim akong napabuntong-hininga at pagod na napaupo sa kama.
“Bwisit na Cameron!” mariing mura ko at kinuyom ang aking kamao.
Huminga ulit ako nang malalim para tuluyang pakalmahin ang sarili sa pangti-trip na ginawa ni Cameron.
“Ang lakas ng tama. Hindi nakakatawa ’yung ginawa niya,” inis na sabi ko.
Tumingin ako sa labas ng pintuan at napatitig sa kawalan.
Hindi ko alam kung tamang desisyon ba itong pumayag akong magtrabaho sa kanya. Siguradong palagi niya akong pagtitripan lalo na ngayong nandito ako sa teritoryo niya. Mas lalo niya akong pahihirapan.
Hindi ito makabubuti sa akin…
Nag-aalala kong ibinaba ang tingin sa aking tiyan at hinawakan ito.
Pero kung hindi ko ito gagawin, hindi ko alam kung nasaan na ako ngayon.
Biglang sumagi sa isip ko si T
