Chapter Sixty Three
“Ako na,” sabi ni Fraizer sa akin.
Kinuha niya ang ice bag sa kamay ko at nilayuan na ako.
“Mahirap na, baka madagdagan pa ’to ng boyfriend mo,” biro niya.
“Sira! Hindi naman ’yon mananakit kung wala kang ginagawang masama,” natatawang sabi ko.
Mariin siyang napangiwi nang maidiin niya ang pagdampi sa kanyang pasa.
“Oo nga pala, sorry kagabi. Dapat nagtanong muna ako kung may boyfriend ka na, hindi ’yung kung ano-ano ang sinabi ko,” may sensiridad na paghingi niya ng tawad.
“Ayos lang, walang problema. Basta huwag nang mauulit,” sagot ko.
“Sure,” pagsang-ayon niya.
Dahan-dahan niyang idinampi ulit ang ice bag sa parte ng pisngi niya na nasapak.
“Masyado ba talagang agresibo si Tyger?” nakangiwi niyang tanong.
“Si Tyran ’yon,” sagot ko habang tinitingnan an
