Chapter 30:
Church.
Pagkagaling sa airport, kaagad akong inihatid ni Elton sa bahay. Balak pa nga sana naming mag-date kasi weekend naman pero hindi na ako pumayag after kong makita ang mga mata ko sa salamin. Paano ba naman, panay ang iyak ko no'ng nakita ko si Tiarra. Para namang hindi na kami ulit magkikita sa reaksyon ko. Napakaemosyonal ko talaga!
"Kumusta 'nak?" iyon kaagad ang bungad ni papa nang makapasok ako.
Mag-a-alas otso pa lang naman kaya nandito pa si papa, alas nwebe siya madalas kung pumasok. C.E.O talaga ang peg niya. Noong mga bata pa kami, napakaaga niya kung pumasok, samantalang ngayon ay parang chill na lang. Siguro dahil sa tingin niya ayos na ang kumpanya. Noon kasi hindi naman talaga malago ang kumpanya ni papa, simpleng maliit na perfume store lang hanggang sa
