Chapter 19: BREAK.
Dumiretso na kaagad kami nila Elton sa cafeteria nang sabihin niyang huwag na akong mag-alala. Ang totoo, kahit na sabihin niya iyon, nag-aalala pa rin ako. Hindi ko alam kung bakit akala niya magiging panatag ako kapag sinabi niyang huwag akong mag-alala when in fact mas lalo lang no'n pinalala ang pag-aalala ko.
Nang makarating kami sa spot kung saan ang barkada namin madalas kumakain, kaagad na nang-intriga ang mga barkada namin.
"Elton bakit ipinatawag ka sa Principal's office?" kaagad na tanong ni Chelsea.
Naupo na sila Rica, Elton at Tiarra pero saka ko pa lang naramdaman na naiihi ako.
"Kinabahan kami sa'yo, ito ang unang pagkakataon na ipinatawag ka sa Principal's office!" ani Jayson habang abala pa sa paglalaro sa cellphone niya.
Gusto ko sanang marinig an
