Chapter 9:
Gosh, I'm Dead.
Nang makabalik na si Rica galing sa tindahan dala ang ilang bote ng beer ay nagsimula na kaming mag-inuman. Binuksan ni Jayson ang TV niya at nagsalang ng CD na pang-videoke sa kaniyang DVD player kaya naman abala na ang iba sa pag-kanta habang kaming tatlo ni Fourth, Elton at s'yempre ako ay nagkukwentuhan. Este, pinapayuhan niya pala kami sa mga hindi at dapat naming gawin bilang magkarelasyon. I don't really know how come Fourth becomes like this! A love expert.
"Ang number 1 rule talaga sa isang magkarelasyon, dapat pareho kayong may tiwala sa isa't isa. Kasi kapag wala, magkakasakalan kayong dalawa," aniya pa.
Hindi naman ako halos nakikinig sa mga sinasabi niya lalo na at hindi naman iyon kailangan sa relasyon namin ni Elton dahil hindi naman ito totoo.
