Loren's POV
WALA na nga akong nagawa kundi tumakbo na lamang papasok ng banyo bitbit ang tshirt at shorts ko. Narinig ko pa ang pagtawa ng dalawa. Magkasundo ang dalawa. Hindi ko na alam kung ano na naman ginawa ni Haden bakit kasundo niya na ang anak ko.
Nagmadali akong magbihis para makalabas rin kaagad. Hindi ko naman akalaing kasama pala ni Hope ang Daddy niya. Kung alam ko lang e 'di sana nagmadali na akong magbihis kanina.
Mamaya ka sakin, Hope. Ikaw talaga na bata ka, sinabihan na kita na huwag ka na makipag-usap pa sa lalaking 'yan pero hindi mo talaga ako pinakinggan.
Naiinis na lumabas ako ng banyo. Nadatnan ko sila na nag-uusap. Kaagad naglandas ang aking mga kilay ng makita kong inilalagay ni Hope ang mga damit niya sa malaking bag.
"Hope, anong ginagawa mo?" kaagad ak
