Loren's POV
"Hindi ka lang nakainom ng gamot kung ano-ano na ang mga sinasabi mo. Siguro kulang ka sa kain o 'di kaya sa tulog?"
Deadma sakin ang mga sinabi niya. Sino ba naman papayag sa trabaho na panggabi at babantayan lang siya buong magdamag. Gusto pa niyang tabihan ko siya. Baliw na yata ang lalaking 'to. Bakit ko naman siya tatabihan? Ang pagkakaalam niya hindi kami mag-asawa kaya bakit ko gagawin yung gusto niya.
Akala mo siguro mauto mo ako, Haden Dickson. Kahit naman pala hindi ka makaalala. Nariyan pa rin pala yung ugali mo, hindi nagbabago kahit na walang maalala.
"Adik ka na. Inumin mo na lang ang gamot mo." Lumapit ako sa kaniya para ibigay ang kaniyang gamot.
Nang makalapit ay bigla niya na lang akong hinila. Nanlaki ang aking mga mata ng mapaupo ako sa kandungan niya.
