Kasalukuyan akong mine-make up-an ni Apple. Pangatlo pa ako sa isasalang sa photo shoot.
"Bakla, thank you ha...kinuha mo kong personal HMUA (hair and make up artist) mo. Hindi mo ko iniwan..." nakanguso pang sabi nito.
"Apple naman.. kulang na lang nga sa atin eh lumabas tayo sa isang nanay. Para na tayong magkapatid. Bakit naman kita iiwan? E ako nga noon hindi mo ko iniwan." sabi ko dito habang nakatingin ako sa kanya sa salamin.
"Naku, tama na nga, bakla. Baka magkaiyakan pa tayo. Masisira pa ang make up mo!" nakangiti nitong sabi.
Bahagya akong natawa sa sinabi niya.
Dalawang taon na din nang subukan ko ang print ad modelling. Masasabi kong kahit papaano ay nag-excel ako dito. Hindi ko nga akalaing mabilis akong makaka-adapt
