Ngayon na yung pa-presscon ng kumpanya ni Cloud sa media para sa product launch. Ito lang yata yung a-attend-an kong presscon na wala akong kagana-ganang puntahan.
Pero wala naman akong choice!
Habang hinihintay si Apple ay inumpisahan ko nang i-blower ang buhok ko. Kanina pa ako naiinis at wala akong alam na gawin para mawala ang inis ko kaya yung pagbo-blower na lang ang hinarap ko. Maya-maya ay may nag-doorbell na. Pinatay ko ang blower at saka tumayo papunta sa pinto. Sumilip muna ako sa peephole. Nang makita kong si Apple ang nakatayo dun ay binuksan ko na ang lock ng pinto.
"Kumusta naman ang preso?" nang-iinis na tanong sa akin ni Apple.
"Pwede ba Apple!? Wag ka na dumagdag sa inis ko." sabi ko dito sabay layo sa pinto.
