Maingat kong inihiga sa sofa si Cloud. Gusto ko mang iakyat siya sa kuwarto ay paniguradong hindi ko naman kakayaning iakyat siya sa hagdan.
Nagpunta ako sa kusina at naghanap ng anumang pwede kong paglagyan ng tubig. Umakyat din ako sa kuwarto niya para maghanap ng bimpo. Kumuha na din ako ng malinis na sando.
Buti naman at malinis ang kuwarto.
Palabas na ako ng makita ko ang life size picture ko na nasa likod ng pinto. Kung nakahiga ka ay kitang kita mo ang kabuuan nito.
Ibig bang sabihin nito ay hindi dito nakatira si Marga? Pinagkibit balikat ko na muna ang isiping iyon at bumaba na uli.
Pinunasan ko ang mukha nito. Tapos ay hinubad ko ang polo niyang suot. Tumambad sa akin ang hubad nitong katawan. Pakiramdam ko ay nag-init ang pisn
