"Hindi mo man lang ba ako papasukin?" taas-kilay na tanong nito sa akin.
Nakita ko si Kulot sa likuran nito na sumesenyas ng 'sorry'. Wala na akong magagawa, kung hindi luwangan ang bukas ng pinto para makapasok ito sa loob.
Alam kong magugulat siya kay Janina.
"At sino naman ang babaeng yan? May ibinabahay ka na pala dito?" tila lalo pa atang tumaas ang kilay nito.
Huminga muna ako nang malalim, at saka nagsalita. Napansin ko namang namutla si Janina nang makita ang bisita at saka mabilis na tumayo.
"Ma, si Janina. Pansamantala ko muna siyang pinatira dito habang di pa tapos 'yung kaso niya," maikling paliwanag ko, pero alam kong hindi pa rito matatapos ang tanong ni Mama.
"Kaso?? Bakit? Nakapatay ba siya? Wanted ba siya?" nanlalaki ang mga mata na tanong ni Mama.
"No. No, Ma. Vi
