Nakatayo ako ngayon sa harap ni Janina. Pinagmamasdan ko ang maamo nitong mukha habang natutulog ito.
Invasion of privacy ito, Cloud.
Anong magagawa ko? Dito ako dinala ng mga paa ko. Alam kong hindi magandang ideya ito pero hindi ko mapigilang hindi bumalik kay Janina. Hinahanap-hanap ko na siya. Paano pag natapos na ang kaso niya at kailangan na niyang lbumalik sa dating buhay niya?
Iniisip ko pa lang parang sumasakit na ang dibdib ko. Bakit ba kasi parang wala akong epekto sa kanya? Nasanay na ko sa mga babaeng dumaan sa buhay ko. Nai-express nila ng lantaran ang pagkagusto nila sa akin. Kung ganun din sana si Janina. Mas madali sana kung kahit papaano.
May boyfriend na kaya siya? O asawa? Wala akong lakas ng loob na itanong. Yun kaya ang dahilan kaya wala isiyang interes sa akin?
