*****RUCIA*****
“Hi,” ngiting-ngiti na bati ni Aman sa kanya. Parang walang ginawang kasalanan. Parang hindi sinadyang kalimutan na bayaran ang mga bagoong niya dahil ikababawas sa kayamanan nito.
“Hmmp!” Humalukipkip si Rucia. Iningusan niya ang bagong dating na binata. Kung inaakala nitong masaya o excited siyang muling makita ito ay nagkakamali ito. Maliban na lang kung sasabihin nito na naalala ang bagoong niya kaya bumalik.
“Ikaw ba si Aman?” excited na bulalas ni Chana. “Totoo nga ang balita na ang guwapo mo.” Kinilig ang bruha. Hindi na nahiya na sabihin iyon at hindi rin nahiya na mas suriin pa nang may pananabik ang kaharap na binata. May pakagat-labi pa.
Siniko niya ito at pinandilatan ng mata.
Pasimpleng kamot naman sa batok si Aman habang kay tamis ang naging ngiti. Hi
