***** AMAN *****
Kanina pa wala ang matandang nagbigay kay Aman ng sulat ngunit wala pa rin siyang katinag-tinag sa kanyang kinatatayuan. Nasa gate pa rin siya at tintigan ang envelop. Envelop na nakaselyado pa rin. Ibig sabihin ay hindi man lang nagtangka na buksan ng matanda kahit na kaduda-duda dahil ang nagbigay ay bigla na lang namatay. Kung sa ibang tao lang ay baka binasa na.
Naalala niya na pagkatapos siyang ipabugbog noon ni Gabs ay hindi na sila nabigyan noon ng pagkakataon pa na magkita ni Nakee. Sinubukan niya pero mistulang ibinihag na ni Gabs ang asawa.
Isang buwan ang nakalipas, nalaman na lang niya na patay na ang kawawang babaeng minahal din niya nang sobra. Nagpakamatay raw si Nakee.
Nataranta siya nang biglang may luha galing sa mga mata niya na pumatak sa envelo
