***** AMAN *****
"Hello?" Nagtataka si Rucia kung bakit hindi naman nagsasalita ang tumawag sa kanya. Kanina pa siya hello nang hello.
"Aisst! Istorbo!" Pinatay na lang niya ang tawag nang mainis siya. Ang dami niya pang sisingilin at ibebenta sa mall na kinaroroonan. Wala siyang oras sa mga nagpa-prank call.
Prank call?
Natigilan siya nang may biglang pumasok sa isip niya. Naalala niya sina Eyrna at Jella. Naalala niya ang masasayang sandali niya na kasama niya ang dalawang bruha na iyon. Iyong tawang-tawa sila sa masamang trip nila na pagpa-prank sa mga mag-jowa sa mga prank call kapag wala silang magawa noon sa dressing room.
Kawawang mga mag-jowa. Sana mga nagkabati rin sila kung mga nag-away man sila. Lalo na iyong last na tinawagan niya noon. Noong nagretiro siya sa bar. Si N
