*****RUCIA*****
Pahapon na nang matapos niya ang paglilinis at pag-aayos ng kuwartong ipapaupa niya kay Aman. Kinuskos at pinalitan niya kasi lahat. Mula sa bed sheet hanggang sa kurtina. Hindi niya tinantanan ang kuwarto hangga’t hindi siya nakuntento sa linis. Naisip niya kasi na kahit man lang ang kuwartong tutulugan ay maging komportable ang binata.
Nakaantala din iyong panananghalian nila ni Aman kanina at pagpapakain niya kay Santiago. Nahiya pa nga siya dahil sinigang na bangus lang ang naipaulam niya sa binata. Maliban sa mga itlog at stock niya na mga noodels ay iyon na lang kasi ang nasa refrigerator dahil hindi pa siya nakakapamalengke. Pasalamat niya at hindi nga maselan si Aman. Ang daming nakain na animo’y noon lang ulit nakatikim ng sinigang.
Saktong alas tress y medy
