Chapter 114
Isang kama, isang cabinet, maliit na coffee table, at banyo. Iyon lang ang mayroon sa silid na pinagdalhan sa akin. Sa labas ay may dalawang gwardya.
Binigyan din ako ng pamalit. Kaya nakapag-shower ako.
Salamin at listening device lang ang meron ako. Walang baril o kahit anong gamit na pang-self defense. Basic lang sa akin ito. Normal na lang din sa akin ang ganitong senaryo. Nakapagsanay rin naman ako sa mga ganitong sitwasyon.
Nagtutuyo ako ng buhok ng may kumatok sa pinto.
"Nakahanda na po ang dinner. Pumunta raw po kayo sa baba." Itinigil ko na ang pagpapatuyo ng buhok at dali-dali ko na iyong sinuklay.
"Anong pagkain? Nagluto ba ng sinigang na baboy?" iyon kasi ang request ko kanina. Aba'y kailangan nila akong pakainin ng gusto ko kung ayaw nilang pasakitin ko
