NAKAUPO si Kira sa tabi ni Lissandro, nakatingin lang sa labas ng tinted window habang dumadaan ang mga ilaw ng siyudad. Pero kahit gaano pa iyon ka-normal tingnan, hindi normal ang pakiramdam niya.
Parang mabigat ang hangin.
Parang may mangyayaring hindi niya pa naiintindihan.
Pinaglaruan niya ang laylayan ng suot niya, hindi mapakali.
Patungo sila ngayon sa event na tinutukoy kanina ni Lissandro.
Noong unang magbyahe sila sa Royal Carribean ay magaan lamang ang loob niya pero ngayong may alam na siya sa mundong ginagalawan nila. kakaiba ang bawat event na pinupuntahan nila. Mabigat ang pakiramdam niya.
Tumingin siya kay Lissandro sa gilid niya.
Kalmado ito. Diretso lang ang tingin sa unahan.
“Lissandro…” mahinang tawag ni Kira.
“Hm?” sagot nito, hindi agad lumilingon.
“Ganya
