WALANG tao sa lounging area nang magtungo ulit roon si Astrid. Hindi niya nagawang bumalik sa dating mesa. May magkahalong takot at pagdududa sa dibdib niya.
Bakit naroon si Revor? Ang sabi ni Harrieth ay taun-taon nitong inaabangan ang pagdalo ng CEO sa mga fundraising events. Pero iyon ang unang beses na nagpakita roon ang lalake.
Tama kaya ang hula nito na dumating si Revor para sa Managing Director? Harrieth assumed for it dahil wala naman daw date na kasama ang babae.
Naguguluhan siya. Nahihirapan siyang iderecho ang utak sa sandaling iyon. Bakit hindi binanggit ni Revor sa kaniya na pupunta ito sa event? Imposible naman na naroon ito dahil nalaman na iyon ang 'pabor' na hiningi sa kaniya ni Madam Miranda. Walang maaaring magsabi ng tungkol doon dito.
"Miss Astrid, mabuti at na
