SA pagkakaintindi ni Astrid sa sinasabi ni Peping kay Mr. Abelardo, may ilang minuto raw na diperensiya sa oras ng biyahe nila kung mula sa Sebaste, Antique ay bumaybay na lang sila sa Kalibo, Aklan papuntang Iloilo. Sa palagay naman niya, wala rin iyong pinagkaiba. Mas maiksi man kasi o mas mahaba ang oras, pareho lang ang klase ng tensiyon na nararamdaman at nilalabanan niya kapag kasama sa iisang sasakyan si Revor.
"We're now in San Joaquin, Iloilo, Mr. Dorrance!"
Narinig niyang sambit ni Mr. Abelardo. Ito ang katabi ni Revor sa dati niyang upuan. Sila naman ni Brandon ang naging magkatabi sa likuran ng van.
She remembered na nakasakay na sila ng engineer kanina sa coaster nang tawagin ulit siya ng matandang VP. Ayon dito, gusto raw marinig ng CEO ang mga itatanong sa kaniya ng head
