PAGBALIK namin sa apartment ay si Mr. and Mrs. Grant Zamora na kami. Hindi pa rin ako makapaniwala. Madalas akong matulala sa aming biyahe pauwi at iniisip kung totoo bang asawa na ako ni Sir Grant. Misis na ako ng lalakeng mahal ko.
Nakatitig ako sa wedding band sa aking daliri nang maramdaman ko ang pagyakap sa akin ni Sir Grant.
“What do you want to eat? Nakita ko na hindi ka masyadong nakakain kanina sa bahay ni Judge Benipayo.”
Humawak ako sa braso niya at isinandal ang aking ulo sa kaniyang balikat.
“Dahil sa sobrang saya ko, hindi ako nakakain nang husto.”
Marahan siyang tumawa. “Na kabaligtaran ko naman.”
I smiled. Kahit natutulala pa ako kanina ay napansin ko nga ang sigla ni Sir Grant habang kumakain. Pumihit ako paharap at pinagmasdan ang aking asawa.
“Totoo ba ‘to, Pa
