“THANK you.”
Bahagya akong napapitlag nang dumapo ang palad ni Attorney Matthew sa aking kamay. Natitigilan pa ako nang lingunin siya at tingnan.
“You did a great job, Celine. Hindi mo ako binigo.”
I swallowed. Hindi ko alam kung ngingiti o ano. Sakay kami ng kotse niya at pauwi na mula sa dinner sa mansion ni Judge Gamboa.
“Nagustuhan ka ng pamilya ko. Hindi lang sila nagsasalita, but I know they are impressed. I’m proud of you.”
“G-ginawa ko lang kung ano ang pinag-usapan natin, Attorney,” sagot ko at maingat na hinila ang aking kamay. Napilitang bawiin ni Attorney Matthew ang kaniyang palad at ibinalik sa manibela.
Ilang saglit na hindi siya umimik bago tumango. “Of course. I know.”
Hindi ko na sinundan iyon at tumahimik na muli. Sa totoo lang ay naglalaro kanina pa sa isip
