*****ANASIA*****
Nanginginig ang kanyang kamay na ibinigay kay Reynan ang pregnancy test kit. Wala siyang choice dahil naghihintay kanina pa ito sa labas ng banyo.
“Bakit walang guhit?” Reynan looked disappointed. But very much wondering.
“Sorry,” mahinang aniya nang tingnan siya nito at nakakunot ang noo. “Nagkamali ako ng lagay yata kaya nag-error o nag-invalid. Nasira ko yata.”
“Ah, okay.” Naginhawaan si Reynan. “Walang problema. Bibilhan na lang kita ulit.”
“Huwag na.” Maagap niyang hinawakan sa braso ito nang akmang aalis nga.
Kumiling ang ulo ni Reynan. “Pero dapat kang mag-PT.”
“Baka masyadong maaga pa para doon. Tingnan mo walang lumabas d’yan sa PT. Baka excited lang tayo. Saka natatandaan ko na ilang araw pa lang naman akong delay tapos irregular naman ang period ko,” pag
