***REYNAN***
Hawak-kamay ay nagkatinginan sina Anasia at Reynan. Tinantya nila ang isa’t isa kung ano ang gusto. Kung tatapusin na ba nila ang selebrasyon ng kanilang kasal at sasama na sa sumundo sa kanila para makita ang Chairman, o ipagpapaliban muna nila ang pagdalaw sa Chairman dahil hindi nila magagawang iwanan ang kanilang mga bisita.
“Ang dami na palang miss call sa akin si Secretary Vega, Sir Jernon. Siguro ay dahil sa hindi magandang kondisyon na talaga ngayon ng Chairman,” mahinang imporma ng mayordomo.
Ang mag-asawa ay napatingin sa mayordomo. Hindi pa rin sila makapagdesisyon.
Natahimik ang lahat.
“Anak, mas mahalaga na makita kayo ng ama mo bago siya mawala. Mauunawain namin kung aalis kayo ngayon,” hanggang sa senserong sabi na ni Madam Azon.
“Hindi ho ba nakakahiya
