*****REYNAN*****
"Huwag kang mag-alala, dude, makakahanap din tayo ng paraan para makapasok sa mansyon niyo," pang-aalo sa kanya ni Tyron.
Kaysa sumagot ay tinungga niya ang alak na in-order.
Nasa isang bar na sila at nakaupo sila mismong counter. Pagkatapos silang ipagtabuyan ng totoo niyang pamilya ay nagyaya siyang uminom. Hindi siya pinaniwalaan, na isa pang nakadagdag sa pagkamuhi niya sa kanila. Ni hindi man lang siya hinarap. Hindi man lang tinanong kung totoo ba ang sadya nila.
"Hindi talaga madali na makaharap sila. Kung ordinaryo kang tao ay talagang lulusot ka muna sa butas ng karayom," sabi pa ni Tyron.
"Pero pamilya nila ako, dude. Ako si Jernon at hindi lang ordinaryong tao," puno ng galit na aniya.
"Hangga't hindi mo napapatunayan na ikaw ang totoong Jernon ay isa ka
