*****REYNAN*****
Iglap ay naitakip ni Reynan ang kanyang laptop at nahinto ang ginagawa niyang pag-stalk sa pamilya De Mevius dahil bigla ay may kumatok sa kanyang silid. Nagulat siya dahil buong akala niya ay mag-isa lang siya sa bahay. Sandaling nagsalubong ang kanyang mga kilay nang nilingon ang pinto at iglap ding nagbalik ang ang blangkong ekspresyon niya sa mukha nang sumilip doon si Manang Glo.
“Pasok po,” aniya sa matanda.
“Naabala ba kita?” Kung gaano kalungkot ang mukha ni Manang Glo ay ganoon din ang tinig nito.
Pinaikot niya ang kanyang gaming chair paharap sa matanda nang makalapit sa kanya. “Hindi naman po. Bakit kayo naririto? Akala ko ba ay doon po muna kayo kina Aling Guada?”
Nanatiling nakahinang sa kanya ang mata ng matanda na iniabot sa kanya ang isang lumang box
