*****REYNAN*****
Pinipilit niyang hindi mag-isip at pagdudahan si Vernon na may ginawa na namang hindi maganda, pero talagang pumapasok sa kanyang utak ang mga makahulugang ngisi nito sa kanya kanina. Lumilipad din ang kanyang isip kay Anasia. Totoo kayang nasa kaibigan siya nitong si Belle?
Sana nga!
Sana rin ay hindi tungkol kay Anasia ang mga ngisi ni Vernon.
Bumuntong-hininga siya. Iniiwas na niya ang tingin sa napakalawak na bakuran ng kanilang mansyon. Mula sa mga bulsa ay stress na inihilamos niya ang mga palad sa mukha. Habang nag-iisip ay nakatanaw siya kanina pa sa may bintana.
Tumalikod na siya’t tinungo ang kama. Patamad na nahiga roon. Animo’y pagod na pagod siyang humilata. Pipilitin niyang matulog. Baka paggising niya bukas ay maayos na ang lahat. Ang kaso ay parang
