*****ANASIA*****
Gulat na gulat si Anasia nang makitang nasa harapan na niya si Reynan. Nagpanggap siyang tulala ulit dahil inakala niyang totoong gagawa ng aircon ang dalawang kasama ng mayordomo.
Hindi pala, dahil sila pala sina Reynan at Arnie. Mga nagpanggap lang.
“Oh, god,” naibulalas niya sa sobrang ginhawa. Siya naman ang yumakap nang sobrang higpit kay Reynan.
Nag-iyakan na silang mag-asawa.
“Bakit kayo nandito? Baka mapahamak kayo?” aniya na kinabahan nang kumawala siya ng yakap. Pumasok sa isip niya ang puwedeng mangyari oras na malaman ni Vernon na nasa loob ang dalawa sa mansyon. Baka hindi na makalabas ng buhay ang dalawa.
“Itatakas ka namin dito. Ayos ka lang ba? Hindi ka ba sinasaktan ni Vernon,” masuyong sagot ni Reynan. Hinawakan nito ang kanyang mga pisngi. Kinila
