*****ANASIA*****
Nagluksa ang mundo ng mga elite at mga negosyante sa biglaang pagkawala ni Vernon de Mevius. Madami ang nanghinayang dahil napakabata pa ng CEO ng Mevius Bank, pero hindi rin lingid sa karamihan na mas madami ang natuwa na mga kalaban.
Nakakalungkot pa’y hindi mabigyan ng magandang burol si Vernon. Sa ayaw at sa kanilang gusto ay na-cremate agad ang bangkay nito.
“Kahit wala ka na ay nagagawa mo pa rin akong pahirapan,” naluluhang bulong ni Anasia sa asawa. Ibinabalita ang pag-cremate kay Vernon kaya nakikita niya ang larawan nito sa TV.
Pinag-isipan maigi ni Anasia kung saan niya nakuha ang virus. Parang imposible naman kasi na magkaka-covid siya gayung halos nakakulong na siya sa mansyon sa mga nagdaang mga araw. At isa lang naman ang pumasok sa isip niya na nakah
