******REYNAN******
“Ano bang kalokohan ito?” matapang na tanong din ni Reynan sa mga lalaking parang galing sa kalawakan at napadaan lang sa ospital. Balut na balot kasi ang buong katawan nila sa suot nilang PPE dahilan para magmukha silang mga astronaut.
“Oo, nga. Anong kalokohan ito?! Healthy na healthy kami kaya paano niyo nasabi na may covid kami?!” singhal na naman ni Arnie sa humahawak sa braso nito. Inis na binawi ang braso ngunit muli itong hinawakan.
Kaysa sagutin sila, si Anasia ang tiningnan ng parang leader ng mga lalaki.
“Ikinalulungkot po naming sabihin, Madam, pero nag-positive po kayo sa inyong swab test,” tapos ay napakagalang nitong sabi sa malungkot na balita.
A collective gasp echoed the room. Pinakamalakas ng kay Arnie. Bumakas sa mukha nito na nauunawaan na ang n
