*****ANASIA*****
Kung meron sigurong nanonood sa kanya ay kanina pa nahilo. Pabalik-balik kasi siya ng lakad kanina pang pumasok siya sa pinaukopang kuwarto nilang mag-asawa. Hindi siya mapakali habang hawak ng dalawang kamay niya ang cellphone na ibinigay sa kanya ni Jernon. Halos yakap na niya ang cellphone sa kanyang dibdib.
Tinanggap man niya iyon ay may pagdadalawang-isip pa rin siya kung gagamitin nga niya o hindi. Paano kung patibong pala ni Vernon? Paano kung inutusan lang ni Vernon si Jernon na kunwari ay pahiramin siya ng cellphone para malaman nila kung mayroon siyang binabalak na pagtakas ulit?
Sa klase ng samahan nina Jernon at Vernon ay hindi imposibleng mangyari ang naisip niya. Kahit naglalagi sa America si Jernon ay close pa rin ito kay Vernon. Alam niyang loyal na loy
