KABANATA 84:
ANG lakas ng kabog ng puso ko. Kagat ko ang kuko habang pinapanuod si Emil na inaangat na si Vernice mula sa tubig. Pagtalon kasi ng dalaga ay dire-diretso ang bulusok nito pababa. Medyo nakahinga ako ng maluwag ng akay na siya ni Emil at panay ang ubo. Nataranta ko silang tinignan habang tuptop ang bibig.
Hindi ko maintindihan kung anong sinasabi ni Vernice kanina pero ang makita siyang halos nasa bingit ng kamatayan ang nagpakaba sa akin. Nag-alala ako at nanginginig na lumapit.
"Oh my god..." bulong ko habang pinagmamasdan si Vernice na nakaupo sa damuhan, basang-basa habang tinatapik ng malakas ni Emil ang likod nito.
"Are you okay?" bakas sa boses ni Emil ang labis na pag-aalala.
"M-my... necklace..." hirap nitong sabi sabay ubo ulit. Siguradong marami siyang nainom
