Mabilis ang takbo, tumigil siya sa gilid ng escalator at hinanap ng mga mata ang lalaki. Malapit na nitong marating ang escalator sa second floor. Mabilis silang bumaba ni Dahlia ng escalator upang habulin ito.
Nang makitang nakababa na at tuluyang nakalayo ang lalaki, mabilis niyang binalingan si Dahlia at binunot ang nakasukbit na baril sa tagiliran niya saka ibinigay rito.
"Gamitin mong proteksiyon!"
Bahagya siyang dumistansiya mula sa gilid ng escalator at mariing tinitigan ang puting telang tinatangay ng hangin sa ere. Nakasabit ito mula sa kisame ng mall at nagsilbing dekorasiyon sa ere na tinatangay ng hangin.
Nang makalkula ang gagawin, bahagya siyang tumalon-talon mula sa kinatatayuan upang ihanda ang sarili, at nang makahanap ng tiyempo ay mabilis siyang tumakbo at malakas na
