KAGAT ni Dahlia ang ibabang labi habang isinusuot niya rito ang shirt na binili niya kanina. Inayos pa niya ang buhok nito sa likuran nang mapansin na nakapaloob iyon sa damit.
Nang tuluyan niyang titigan ang mukha nito, awtomatiko siyang napangiti nang makitang nakangiti ang dalaga habang namumula ang magkabilang pisngi.
"Ito ba iyong binalikan mo kanina sa mall?" tanong nito mula sa mababang tinig.
Hawak niya ang kamay ni Dahlia at hinahatak ito patungo sa hinanda niyang dinner na with candlelit pa. Kanina nang sunduin ni Sanchez ang dalagang amo, um-order na siya ng mga gagamiting materials para sa surpresang ihahanda niya.
Ginamit niya ang perang nakuha mula sa mayor ng lugar nila. Ang kaunting halaga na iyon ay nagsilbing tulong ng mayor para sa mga taong naiwan ng mga pumanaw na
