Kumuyom ang dalawang kamao niya. Hindi siya makapaniwala na magagawang mandamay ng mga inosente ang kung sino mang nagbabanta sa buhay nina Dahlia at Don Devid. Kung tutuusin, hindi na nila kailangan patayin ang tattoo artist at hayaan na lang itong makapagtago.
"Huwag mo na munang isipin iyan. Puntahan mo si Dahlia. Alalang-alala siya sa iyo."
Humugot siya ng hangin saka nagbuga. Tumango siya sa lalaki at akmang lalagpasan ito, pero nang maalala ang isang bagay, muli niyang nilingon si Sanchez at kinausap.
"Ano? Gusto mong dalhin ko sa garden si Dahlia mamaya?" nagtatakang tanong ng binata.
Tumango si Rael dito. Manaka-naka siyang lumilingon sa pintuan ng mansiyon kung saan nakatayo sa gilid ang ilang kalalakihan kasama na si Leroy. Masama ang tingin sa kaniya ng lalaki at para bang
