MATAGAL niyang tinitigan ang mukha ng dalagang si Paislee matapos marinig ang sinabi nito. Sa loob nang ilang segundo, hindi niya alam kung ano ang sasabihin o paano magre-react.
Lalong tumamis ang ngiti sa mga labi ng babae nang makitang natigilan siya. Muntikan na nitong ibuka ang bibig upang magsalita ngunit natigilan ito nang magpakawala siya ng malalim na hangin. Tinitigan siya nito na puno ng pagtataka at pagkainis ang mukha.
"Wala ka ba talagang pakialam sa kapatid mo?"
Ang nakakunot nitong noo ay mas lalong kumunot nang marinig ang kaniyang sinabi. Bahagya itong dumistansiya at sandali siyang pinagmasdan sa mukha.
"Ano'ng ibig mong sabihin?"
Ilang ulit siyang napalunok nang muling maalala ang nahihirapang mukha ni Dahlia. Ayaw mawala sa isipan niya ang hitsura nito dahil naaal
