Humigpit ang hawak niya sa kamay nito bago inilagay sa palad ng babae ang bulaklak ng chamomile. Pinagmasdan niya ang bulaklak habang nasa palad ito ni Dahlia. Hindi niya mapigilang hindi makaramdam ng lungkot. Naaalala niya ang kapatid sa babaeng amo.
"T-talaga?"
Mabilis siyang natigilan nang marinig ang boses ni Dahlia. Mula sa palad ng dalaga, agad na dumapo ang paningin niya sa mukha nito.
Gising na si Dahlia at nakabaling na rin sa kaniya ang namumungay nitong mga mata. "Sasamahan mo ako? Lalabas tayo?"
Mariin siyang lumunok habang pinagmamasdan ang namumutlang babae. Nang makabawi ay maagap niya itong binitiwan saka tumayo.
"Okay ka na ba? M-may gusto ka bang inumin o kainin?"
Nanghihina itong ngumiti bago umiling. "Okay na ako."
Kahit papaano ay nakahinga siya nang maluwag ng
