NOONG matapos sa pag-aanunsiyo si Don Devid, nakangiti itong bumaling sa gawi nila at sinenyasan si Dahlia na lumapit dito. Binalingan naman niya ang dalaga, mabilis itong tumayo. Kumaway pa ito sa kaniya bago patakbong lumapit sa ama.
Nakangiti niyang hinatid ng tingin ang babae. Subalit nang malapit na ito sa kinatatayuan nina Don Devid, natigilan siya nang bigla itong natapilok at bumagsak sa damuhan.
Mabilis siyang napatayo dahil sa gulat at pag-aalala. "Dahlia!"
"Dahlia!"
Mula sa babae ay napatingin siya kay Leroy at ito naman sa kaniya nang sabay nilang tawagin ang pangalan ng babae dahil sa pag-aalala. Mabilis namang dinaluhan nina Don Devid at Butler Jose ang dalaga.
Tinulungan nila itong makatayo. Siya ay hindi nakaalis sa kinatatayuan habang pinagmamasdan si Dahlia. Halos la
