Tuluyang lumungkot ang mukha niya nang marinig ang sunod na sinabi nito. Ramdam na ramdam niya ang kirot sa puso niya. Sa sandaling oras, marami ang tumatakbo sa isipan niya. Naroon kung seryoso ba talaga ito sa kaniya o hindi, kung ayaw nito sa mga katangian na iyon na siyang mga katangian niya, bakit siya nito niligawan?
"Ayaw ko rin sa masiyadong pino at sobrang bait."
Sa pagkakataong iyon ay nagbaba na siya ng mukha. Sinubukan niyang bawiin ang kamay na hawak nito, pero mahigpit iyon hinawakan ni Rael.
"Noon, ayaw ko sa mga babaeng may ganoong katangian, pero iba na ngayon."
Sa sinabi nito, bigla siyang nabuhayan ng loob. Malamlam ang mga matang pinagmasdan niya ito. Umangat ang isang kamay ng lalaki at maingat na hinawakan ang kabilang pisngi niya.
"Kung ano ka, iyon ang gusto ko
