"Sa'kin na po lahat 'to?!" tila 'di makapaniwalang tanong ni Aya sa Teddy bear mascot nang iabot nitong lahat sa kanya ang isang bungkos ng mga tali ng balloons. Nananatili pa rin siyang buhat nito.
Tumango naman ito sa kanya.
"H-Halika na, anak. Thank you!" Kaagad ko na rin siyang kinuha.
Isang lalaki naman ang dumating na may bitbit na giant teddy bear. Kaagad na namilog ang mga mata ni Aya nang makita din niya ito kaagad.
"Woooww! Teddy bear!! Nanay, Teddy bear!" Nagpipisag siya habang buhat ko.
Dalawang kamay naman itong kinuha ni Teddy bear mascot mula sa lalaki at iniabot din sa kanya. Mas lalo pang namilog ang mga mata ni Aya habang nakatitig dito.
"Sa akin din po 'yan?!" Tila hindi na naman siya makapaniwala.
Muli na namang tumango ang mascot.
"Wala pong bayad?! Libre?!"
N
