May-May
"Nanay! Aaaah!"
Natawa ako dahil sa malalakas na pagtili at pagtawa ng aking anak. Masayang-masaya na naman siya ngayon dahil nakakapagtampisaw na naman siya sa tubig dito sa batis. Sakay pa siya sa kanyang inflatable pool whale habang naka-swimwear.
Itinali ko na lamang sa isang ugat ng kahoy ang pool whale upang hindi tangayin ng agos. Ako naman ay naglalaba sa ibabang bahagi niya. Marunong naman na siyang lumangoy kahit tatlong taong gulang pa lamang siya. Papaanong hindi kung dito na talaga siya isinilang at lumaki.
Kaunti lang naman ang labahan namin. Kada-ikalawa o ikatlong araw ako naglalaba para hindi naiipon.
"Nala! Dito! Coco, dito! Ligo kayo dito!" tawag niya sa mga alaga naming aso na nakasunod din sa amin.
Hayan lang din naman halos ang bahay namin sa harapan
